Friday, January 20, 2006
ma drento, in fondo
to viola [bill & more]
Ela stanote la go vista in sogno.
Se ièrimo trovai nel stesso logo,
par caso, tuti due, dopo ‘sto tempo;
e parlavimo insieme. Dopo, iero
‘nda via, e iero in strada che giravo
giravo ‘torno par tornar indio
la’ in quel logo (‘na casa); ma no’ iero
piu’ bon mi de trovarla quela casa.
Chi sa quando che nassarà che noi
par bon se incontraremo? Un giorno ‘sai
bruto sara’. Ma pur, come stanote
in sogno, ‘pena lassada, ‘pa indrio
no’ vèderla che dopo chi sa quanto
quanto tempo par caso, tornaro’
a zercarla, girando come un mato
par le strade e le piazze, sussultando
co de sentir me parara’ el su’ passo.
Elda Elda, come che xe finido!
Mi no’ credevo; e ancora ‘desso, qualche
volta, come no’ credo, mi no’ so mi.
Ma drento in fondo anca alora savevo;
e anche ti te pensavi, si’, anca ti.
Amor mal scuminzia’ e mal fini’.
Virgilio Giotti, Dopo de tanto tempo
tartito da ---gallizio
all'ora et la bora
permalink
